"Азаматтарға арналған үкімет" Мемлекеттік корпорациясы" КЕ АҚ (бұдан әрі – Мемкорпорация) қызметкерлерінің құқықтық қорғалуын қамтамасыз ету және іскерлік этика кодексінің нормаларын сақтау мақсатында Мемкорпорацияда Омбудсмен лауазымы енгізілді.

Директорлар кеңесінің шешімімен 2023 жылғы 17 мамырда бастап осы лауазымға Абишев Бахыт Шалхарович тағайындалған.

Омбудсмен-рөлі мемкорпорацияның өзіне жүгінген қызметкерлеріне консультация беру және еңбек дауларын, жанжалдарды, әлеуметтік-еңбек сипатындағы проблемалық мәселелерді шешуге, сондай-ақ Мемкорпорация қызметкерлерінің іскерлік этика қағидаттарын сақтауда жәрдем көрсету болып табылатын Мемкорпорация Директорлар кеңесі тағайындайтын тұлға.

Омбудсменнің негізгі міндеттері:

• Мемлекеттік корпорацияның тиісті органдарының, қызметкерлерінің және лауазымды тұлғаларының Мемлекеттік корпорацияның іскерлік этика кодексін сақтауын қамтамасыз ету;
• корпоративтік мәдениет, іскерлік этика жүйесін жетілдіру;
• еңбек дауларын, мүдделер қақтығыстарын болдырмау және реттеу жөніндегі шараларды күшейту және проблемалық әлеуметтік-еңбек мәселелерін шешуге жәрдем көрсету;
• Мемкорпорация қызметкерлері мен оның органдары арасындағы нақты және тиімді өзара іс-қимылды қамтамасыз ету.

Бұл ретте, мемкорпорацияның ішкі құжаттарына сәйкес Омбудсмен функцияларды жүзеге асыру кезеңінде белгілі болған ақпараттың құпиялылығын сақтауға, дауларды қарау рәсімдерін жүргізу кезеңінде қызметкерлерді құқықтық қорғауды (еңбек заңнамасында белгіленген рәсімдер шеңберінде) қамтамасыз етуге және Мемлекеттік корпорацияның лауазымды тұлғалары мен өзге де қызметкерлеріне тең қарау қағидатын сақтауға және кемсітушіліктің кез келген түрін болдырмауға ықпал етуге міндетті.

Мемлекеттік корпорацияның Іскерлік әдеп кодексін бұзу, корпоративтік даулар мен қақтығыстар, сондай – ақ Мемлекеттік корпорацияның лауазымды тұлғалары мен басқа да қызметкерлері тарапынан құқыққа қарсы әрекеттер фактілері бойынша сіз +7(7172) 95 50 38 (ішкі 406) телефоны арқылы хабарласа аласыз, сондай-ақ жазбаша өтінішті электрондық поштаға жібере аласыз - ombudsman@gov4c.kz.

Бұдан басқа, Омбудсменнің өтініштерін қағаз тасымалдағышта мына мекенжай бойынша жіберуге болады: 010000, Астана қаласы, "Нұра" ауданы, Керей-Жәнібек Хандар көшесі, 4, "Азаматтарға арналған үкімет" Мемлекеттік корпорациясы" КЕ АҚ омбудсменіне конвертте (пакетте).