Ол үшін: Авторизация бетінде "Тіркелу" түймесін басыңыз. Digital id - Биометриялық сәйкестендіру қызметі ашылады, телефон нөмірін енгізіп, SMS-тен тексеру кодын енгізіңіз, Digital ID-ге тіркеліңіз. Бейне идентификаторынан өтіп, EGOV mobile-ға жеке куәлік деректері мен телефон нөміріне кіруге рұқсат етіңіз. Жеке басыңызды сәтті растағаннан кейін, тексеру сұрақтарына жауап беруіңіз керек. Әрі қарай, «Жалғастыру» түймесін басыңыз. «ЭЦҚ шығару» беті ашылады, электрондық мекенжайын толтырыңып, ЭЦҚ үшін парольді енгізіңіз (бұл пароль, егер бұрын жеке кабинетте тіркелмеген болса, электрондық үкімет порталындағы жеке кабинетке пароль болып табылады), содан кейін «Жалғастыру» батырмасын басыңыз. Жаңа бетте «Жалғастыру» түймесін басыңыз. Сәтті тіркелгеннен кейін қолданбаға жылдам кіру кодын орнатыңыз және Face id/touch идентификаторын байланыстырыңыз.

Келесі жағдайларда тексеру SMS-коды келіп түспейді: 1. Егер баланс 1 бірліктен аз болса 2. Байланыс операторын ауыстырсаңыз 3. Егер 1414 қысқа нөмірі бұғатталса 4. Егер хабарлама жады толы болса.

"Қазақстан Республикасының заңнамасына (Қазақстан Республикасы Азаматтық кодексінің 30-бабы) сәйкес әрекетке қабілетсіз деп танылған мүгедек адамдарды мобильді азаматтар базасында тіркеуді Қазақстан Республикасы Азаматтық кодексінің 26-бабының нормаларына сәйкес тағайындалған олардың заңды қамқоршысы жүзеге асырады. Заңды қамқоршының әрекетке қабілетсіз азаматтардың мүдделерін білдіруге және олардың атынан "қорғаншылық және қамқоршылық туралы" Қазақстан Республикасының Заңына сәйкес мемлекеттік қызметтерді алуға құқығы бар, заңды қорғаншы виртуалды ассистентке egov.kz порталы арқылы немесе Еgov mobile қосымшасы арқылы жүгіне алады, МАБ-да верификация өту үшін виртуалды ассистентке жеке куәлік және қамқоршылық туралы растайтын құжат көрсету қажет

Тексеру үшін жеке куәліктің түпнұсқасы немесе оның цифралық нұсқасы қажет. Мобильді қосымшаның скриншоты тексеру үшін қабылданбайды

Шетелдік азаматтар МАБ-да тіркелу үшін бірінші кезекте халыққа қызмет көрсету орталығынан ЖСН (жеке сәйкестендіру нөмірі)алу қажет. Кейін, виртуалды ассистентке egov.kz порталы арқылы немесе Еgov mobile арқылы қоңырау шалу үшін вертуалдық ассистентке ЖСН нөмірін, Қазақстан Республикасының абоненттік нөмірін және шетел азаматының шетелдік паспортын ұсыну қажет

МАБ-да нөмірді тіркеуді үш нұсқада жасауға болады: біріншісі egov.kz порталындағы жеке кабинет арқылы электрондық цифрлық қолтаңба арқылы, екіншісі egov.kz порталының төменгі оң жақ бұрышында орналасқан виртуалды ассистент арқылы, үшіншісі Еgov mobile қосымшасы арқылы және тіркеуден өту биометриялық сәйкестендіру арқылы.

Азаматтық кодекстің 50-бабына сәйкес заңды тұлғаның мүлкінің меншік иесі немесе заңды тұлғаны тарату туралы шешім қабылдаған орган заңды тұлғаларды тіркеуді жүзеге асыратын әділет органына немесе «Азаматтарға арналған үкімет» мемлекеттік корпорациясына не тіркелген жері бойынша мемлекеттік кірістер органына жазбаша нысанда немесе электрондық цифрлық қолтаңбаны пайдалана отырып интернет-ресурс арқылы дереу хабарлауға міндетті.
Заңды тұлға мүлкінің меншік иесі немесе заңды тұлғаны тарату туралы шешім қабылдаған орган осы Кодекске сәйкес тарату комиссиясын тағайындайды және таратудың тәртібі мен мерзімін белгілейді.
Бұл ретте, тарату негізінде заңды тұлғаның қызметін тоқтатуды мемлекеттік тіркеу үшін мыналар көзделеді:
1) Қазақстан Республикасының Әділет министрлігі белгілеген нысан бойынша заңды тұлғаның таратылуын мемлекеттік тіркеу туралы өтініш;
2) заңды тұлғаның мүлкiнiң меншiк иесiнiң не меншiк иесi уәкiлеттiк берген органның не құрылтай құжаттарымен осыған уәкiлеттiк берген заңды тұлға органының заңды тұлғаның мөрiмен расталған шешiмi. Заңды тұлға жеке кәсіпкерлік субъектісі болса, құжаттардың мөрмен бекітілуі талап етілмейді;
3) заңды тұлғаны тарату, кредиторлардың талаптарды қою тәртібі мен мерзімдері туралы мәліметтердің Қазақстан Республикасының бүкіл аумағында таратылатын мерзімді баспа басылымдарында жарияланғанын растайтын құжат;
4) шағын және орта кәсiпкерлiк субъектiлерi болып табылатын заңды тұлғаларды қоспағанда, коммерциялық ұйым болып табылатын заңды тұлғаның қызметiн тоқтатуды мемлекеттiк тiркеу үшiн «Азаматтарға арналған үкiмет» мемлекеттiк корпорациясына ақы төленгенiн растайтын құжат.
Заңды тұлғаны таратуды мемлекеттiк тiркеу туралы өтiнiш тiркеушi органға заңды тұлғаның таратылуы туралы мәлiметтер жарияланған күннен бастап екi айдан кешiктiрiлмей берiлетiнiн атап өтеміз.

Мемлекеттік корпорация мемлекеттік қызметтер көрсету процесін оңтайландыру және автоматтандыру мақсатында «Қазақстан Республикасының кейбір заңнамалық актілеріне инновацияларды ынталандыру, цифрландыруды және ақпараттық қауіпсіздікті дамыту мәселелері бойынша өзгерістер мен толықтырулар енгізу туралы» Заң жобасына енгізу үшін заңды тұлғаның орналасқан жерін автоматты түрде өзгерту бөлігінде ұсыныстар жолдады.
«Электрондық үкімет» порталында жетілдіруді аяқтағанға дейін egov.kz «электрондық үкімет» порталында келесі қызметті таңдау арқылы заңды тұлғаның орналасқан жерін растайтын құжатпен қоса хабарлама жіберу қажет: Бизнес → Тіркеу және бизнес әзірлеу → кәсіпкерлікті тіркеу және тарату → Коммерциялық емес ұйымдардың жарғысындағы өзгерістерді тіркеу → Акционерлік қоғамдарды және олардың филиалдары мен өкілдіктерін қоспағанда, жеке кәсіпкерлік субъектілері үшін орналасқан жерінің өзгеруі туралы хабарлама.
Әрі қарай, заңды мекенжайы туралы барлық мәліметтерді толтырып, заңды тұлғаның орналасқан жерін растайтын құжат қоса тіркеледі және құрылтайшыға бекітуге жіберіледі (егер бірнеше қатысушылар болса, жалпы жиналыс төрағасы мен хатшысының ЖСН енгізіледі), олар өздерінің ЭЦҚ кілтімен келіскеннен кейін заңды тұлғаның басшысы қол қояды және өтініш «Заңды тұлғалар» мемлекеттік дерекқорына жіберіледі.
Кейбір жағдайларда құрылтайшылары болып табылатын заңды тұлғалар үшін директорды автоматты түрде өзгерту мүмкін емес:
- мемлекеттік орган (Үкімет, министрлік, әкімдік және т.б.);
- заңды тұлғалар (АҚ, ММ, ЖШС);
- азаматтығы жоқ адамдар;
- шетелдік жеке және заңды тұлғалар.
Осыған байланысты, заңды тұлғалардың сұранысы бойынша жоғарыда көрсетілген жағдайларда қызметті E-otinish арқылы алуға болады.

«Заңды тұлғаларды мемлекеттік тіркеу және филиалдар мен өкілдіктерді есептік тіркеу туралы» Заңның 14-2-бабына сәйкес басшыны өзгерту (басшыны тағайындау, басшының міндетін атқарушыны тағайындау, заңды тұлғаның мүлкі мен қызметін басқарушыны тағайындау, басшыны лауазымынан шеттету) хабарлама сипатында болады және мемлекеттік қызмет болып табылмайды.
Заңды тұлғаның, филиалдың (өкілдіктің) тіркеу деректеріне өзгерістер мен толықтырулар электрондық хабарлама негізінде автоматты режимде енгізіледі.
Бүгінгі таңда бұл қызметті «электрондық үкімет» порталында алудың 2 тәсілі бар
1-ші әдіс: www.egov.kz. сайтында заңды тұлғаның ЭЦҚ арқылы авторизациялануы қажет бизнеске → бизнесті тіркеу және дамыту → бизнесті тіркеу және жою → басшының өзгеруі туралы хабарлама → онлайн сұрау → ішкі қызметті таңдау: Мемлекеттік мекемеден өзге заңды тұлғаның басшысын (не заңды тұлғаның уәкілетті органы тағайындаған (сайлаған) басшының міндетін атқарушыны) тағайындау. Әрі қарай, барлық деректерді толтырып, тағайындалған заңды тұлғаның басшысына келісуге жібереді. Тіркеуші органның қатысуынсыз заңды тұлғаның басшысы туралы мәліметтерді автоматты түрде өзгерту «Заңды тұлғалар» мемлекеттік деректер қорына жолданады.
2-ші әдіс: www.egov.kz. сайтында құрылтайшының жеке тұлғасының (егер бір құрылтайшы болса) немесе бірнеше құрылтайшының (егер бірнеше болса) біреуінің ЭЦҚ арқылы авторизациялануы қажет бизнес → бизнесті тіркеу және дамыту → бизнесті тіркеу және жою → басшының өзгеруі туралы хабарлама → онлайн сұрау → ішкі қызметті таңдау: заңды тұлға басшысын тағайындау мемлекеттік мекемені (не заңды тұлғаның уәкілетті органы тағайындаған (сайлаған) басшының м.а.) қоспағанда. Бұдан әрі барлық деректерді толтырып, егер бірнеше құрылтайшы болса, онда құрылтайшыларға, жалпы жиналыстың төрағасы мен хатшысына келісуге жолданады (ЖСН енгізіңіз). «Заңды тұлғалар» мемлекеттік деректер қорында тіркеуші органның қатысуынсыз заңды тұлғаның басшысы туралы мәліметтерді автоматты түрде өзгерту.
Жекелеген жағдайларда құрылтайшылары болып табылатын заңды тұлғалар үшін басшыны автоматты режимде өзгерту мүмкін емес:
- Мемлекеттік орган (Үкімет, министрлік, әкімдік және т. б.);
- заңды тұлғалар (АҚ, МК, ЖШС);
- азаматтығы жоқ адамдар;
- шетелдік жеке және заңды тұлғалар.
Осыған байланысты, жоғарыда көрсетілген жағдайларда қызметті Е-өтініш арқылы заңды тұлғалардың өтініші бойынша алуға болады.