2024 жылғы 4 қазанда «Азаматтарға арналған үкімет» Мемлекеттік корпорациясы» КЕ АҚ Директорлар кеңесінің ішкі отырысы өтті. Оған Директорлар кеңесінің мүшелері Б.Бекбауов, А. Кенжеғалиев, З.Балиева, К. Омаров, Е. Бердинов, И. Талло қатысты.      

Өткізілген Директорлар кеңесі отырысының қорытындылары бойынша келесі негізгі шешімдер қабылданды. 2024 жылдың І жартыжылдығындағы Мемлекеттік корпорацияның тәуекелдерді басқару процесінің ағымдағы жай-күйі туралы есеп мақұлданды, ағымдағы жылға арналған Мемлекеттік корпорацияның Басқарма төрағасы мен мүшелері үшін қызметтің негізгі көрсеткіштерінің карталары бекітілді, сондай-ақ «Азаматтарға арналған үкімет» жылдық қаржылық есептілігіне аудит жүргізу үшін аудиторлық ұйымның қызметтеріне ақы төлеу мөлшері айқындалды.    

Сонымен қатар, Комплаенс-бақылау қызметінің басшысы мен жекелеген жұмыскерлерінің өкілеттік мерзімдерін ұзарту туралы шешім қабылданды.