Мемлекеттік корпорация ХҚКО жұмысын жетілдіру бойынша ұсыныстар қабылдауда
Қыркүйек айында Мемлекеттік корпорацияның комплаенс-бақылау қызметі Халыққа қызмет көрсету орталықтарында сыбайлас жемқорлық және алаяқтық тәуекелдерге ішкі талдау жүргізеді.
Айта кетейік, Мемлекеттік корпорация қызметтерді көрсету барысында сыбайлас жемқорлыққа нөлдік төзімділік қағидатын ұстанады. Ішкі талдаудың мақсаты ХҚКО-ларда құқық бұзушылықтар жасауға әкелетін жағдайлар мен ықпал ететін себептерді анықтау және зерделеу болып табылады.
ХҚКО-ларда мемлекеттік қызмет көрсету сапасын жақсарту бойынша ұсыныстарды, сондай-ақ қызметкерлер тарапынан бұзушылықтар туралы ескертулер мен мәліметтерді compliance.control@gov4c.kz. электрондық поштасына жіберуге болатынын атап өткіміз келеді. Барлық өтініштер жеке қаралады және әрбір пікір ескеріледі!
