Тәуелсіздік күніне арналған ХҚО және арнайы ХҚО жұмыс кестесі
«Азаматтарға арналған үкімет» Мемлекеттік корпорациясы» 16 желтоқсанда Тәуелсіздік күніне орай Қазақстанның ХҚО-лары мен арнайы ХҚО-лары жұмыс істемейтінін хабарлайды.
17-18 желтоқсан демалыс күндеріне сәйкес келетіндіктен, ХҚО-лары жұмыс істемейді. Бұл ретте кезекші ХҚО-лар мен арнайы ХҚО-лар 17 желтоқсан сенбі күні сағат 9:00-ден 13:00-ге дейін жұмыс істейтінін атап өтеміз.
19 желтоқсан дүйсенбі күнінен бастап Мемлекеттік корпорация әдеттегі кесте бойынша жұмыс жасайды.
Естеріңізге сала кетейік, дүйсенбі мен жұма аралығында ХҚО-лар мен арнайы ХҚО-лар 9:00-ден 18:00-ге дейін жұмыс істейді. Кезекші ХҚО-лар мен арнайы ХҚО-лар дүйсенбі мен жұма аралығында 9:00-ден 20:00-ге дейін және сенбі күні 9:00-ден 13:00-ге дейін жұмыс жасайды.
Мемлекеттік корпорация қазақстандықтарды Тәуелсіздік күнімен шын жүректен құттықтай отыра, тұрғындарға амандық, зор денсаулық және жарқын болашақ тілейді!