Бүгіннен бастап Алматы қаласындағы барлық мамандандырылған ХҚО-лар жұмыс істей бастады.
Жұмыс кестесі дүйсенбі-жұма аралығында сағат 9.00-ден 17.00-ге дейін.
Ал Алматы және Жамбыл облыстарының автоХҚО-лары әлі де жабық. Аталған өңірлерде жұмыстың жанданғаны туралы ақпаратты қосымша хабарлайтын боламыз.
Эпидемиологиялық жағдайға байланысты клиенттерге санитарлық қауіпсіздік шараларын сақтауды ескертеміз – бетперде тағып, әлеуметтік қашықтықты сақтаңыздар. ХҚО-ларға кіру Ashyq қосымшасы бойынша қауіпсіз және бейтарап мәртебесі бар азаматтарға рұқсат етіледі.
Мемлекеттік қызметтер бойынша қажетті ақпаратты 1414 біріңғай нөмірі және @gov4c.kz Instagram және Facebook-тегі ресми бренд парақшамыздан оқи аласыздар.
