Азаматтарға арналған үкімет «Мемлекеттік корпорациясы» КЕ АҚ комплаенс бақылау қызметі (бұдан әрі – Қызмет, Мемлекеттік корпорация, тиісінше) 2021 жылғы мамырда Мемлекеттік корпорацияның директорлар Кеңесінің шешімімен құрылды.

Мемлекеттік корпорацияның директорлар Кеңесінің 2021 жылғы 20 мамырдағы шешімімен қызмет басшысы лауазымына Дамир Калимбекович Қарашев тағайындалды.

Комплаенс бақылау (ағылш. compliance - келісім, сәйкестік) – ішкі бақылау жүйесі.

Үздік әлемдік практикаға сүйене отырып, Мемлекеттік корпорация өз қызметінде Мемлекеттік корпорацияның іскерлік Этика кодексінде көрсетілген корпоративтік этиканың құндылықтары, қағидаттары мен мінез-құлқына негізделіп, сыбайлас жемқорлық пен алаяқтыққа қатысты мүлдем төзбеушілікті ұстана отырып, қолданыстағы корпоративтік стандарттарды жақсартуға ұмтылады.

Мемлекеттік қызмет көрсету сапасының төмендеуін, мемлекеттік институттарға деген сенімнің бұзылуын болдырмау үшін Мемлекеттік корпорация сыбайлас жемқорлыққа қарсы күреске өз үлесін қосады және қазақстандық және халықаралық стандарттар ұсынған сыбайлас жемқорлық пен алаяқтықтың алдын алу және ескерту саласында қосымша міндеттемелер қабылдайды.

Сыбайлас жемқорлыққа және алаяқтыққа қарсы іс-қимыл саласындағы саясат – тұтастық, ашықтық мәдениетін белгілеу бойынша барлық деңгейлерде міндеттемелер қабылдау арқылы сәйкестіктің жалпы саясатының құрамдас бөлігі.

Маңызды!
Мемлекеттік корпорациясы, егер Сіз сыбайлас жемқорлыққа қарсы заңнаманың, Іскерлік әдеп кодексінің бұзылуы және алаяқтық туралы болжамды фактілерге тап болсаңыз, compliance.control@gov4c.kz электрондық поштасы және 1414 Бірыңғай байланыс орталығы - бастамашылық хабарландыру желісі арналары бойынша жүгіне аласыз.